پایگاه اشعار عظیم نورزاد اردبیلی

نیلورم قبر ائویمی زینت خاطر قازالار
دورینه لاله اکوب اوستونه آیه یازالار
یازالار بوردا یاتان فاطمه نون نوکریدی
گر قبول ایلسه محشرده گناهیم آزالار


******************************************************************************

ای گوزیم آغلا علینون داغیلان اجلالینه
آغلیور گویده ملکلر حیدرون احوالینه
عرش اعلاده یازیلدی تسلیت پیغمبره
ئولدی زهرا(س) راحت اولدی وای علینون حالینه


*****************************************************************************

چیخسا گون افلاکه طلعتده سنه چاتماز خانم
بحرجوشان استقامتده سنه چاتماز خانم
هاجر و مریم جلالتده سنه چاتماز خانم
سن خانم فاطمیه نائبه یوخ فاطمه سن
قویمادون ئولسین حسینی سنیده ئولمیه سن



عظیم نوزاد اردبیلی