احوالات حضرت زینب(شام غریبان)

قوتاروب صحنه جنگ و جدل کرب و بلا   

یارالی قوم لادین اوسته یاتوب  انصار خدا

ئولن ئولدی   قالانی   اولدی   گرفتار   بلا

ظهر   وقتیدی   دوشوب   قودی  قوداله حسین

کیم گورب کیم نه بیلور قالدی نه احواله حسین

اوت ویروب خیمه لری یاندوروب اشراره دنی

دولای    قمچیه    اعدا    گلنی     هم    گئدنی

خیمه لر  غارت  اولوب  یاندوروب  اهل زمنی

داده  سسلندی  اوشاقلار  هامسی  فاطمه نی

تیتردی قولسوز ابوالفضلین او قولسوز بدنی

دیدی   زینب آنا   یا فاطمه   فریاده   یتیش

زینبون گور نه گونه قالدی   ننه داده   یتیش

یوخدی  امداد   ائلین   زینبه   امداده   یتیش

او   آتام   حیدری   کیم سندن   اوتاندیردی ننه

اوت ویروب ایندی منیم خیمه می یاندیردی ننه

 

گون غروب  یتوشوب  اولدی  هوا  تیروتار

بیریانان خیمه ده جمع اولدی پریشان بالالار

پاسبان اولدی  خانیم   زینب   مرضیه   تبار

آی یوخدی او گئجه چیخما قا چون باتمیشدی

اگر اولسیدی فرات اوسته دوشوب یاتمیشدی

بیر گئجه دی  او گئجه آلدی توان زینبدن

قتلگهده    یارالی   شاه   نگران   زینبدن

یوزونی دوتدی یاریم گونده جهان زینبدن

هامی یاتدی او گئجه زینب اویاق قالدی فقط

باغلانوب  بار سفر  کوفیه  ائتسون  حرکت

حمل اولور نیزلر اوسته سرمردانه خدا

باغلانوب بیربیرینه  عترت  شاه  شهدا

کوفیه وارد اولوب قولاری باغلی اسرا

داغلار الحق غم زینب بلی انسان اورگین

دیدیلر  خارجیلر   گلدیه   بازاره   چکین