کلمات کلیدی
بایگانی
- فروردين ۱۳۹۴ (۷)
آخرین مطالب
- ۹۴/۰۱/۲۹احوالات حضرت زینب(شام غریبان)
- ۹۴/۰۱/۲۹احوالات حضرت رقیه (سلام الله علیها)
- ۹۴/۰۱/۲۹نوحه سینه زنی استمداد برادر
- ۹۴/۰۱/۲۲یا حسین...
- ۹۴/۰۱/۲۲امام حسین (ع)
بیر گونی گوشه ویرانده دورموشدی خانیم
دل ویرانده غم بزمینی قورموشدی خانیم
گلی ویرمیشدی دولی یعنی یورولموشدی خانیم
آتاسیزلیق غمی قونموشدی اونون یوز گوزونه
کنج ویرانده آغلوردی خانیم ئوز ئوزونه
ناگهان گلدی یزیدین قیزی اول زاده شر
دیدی کیمسن کیمه وار نسبتون ای در گهر
نیه گل مثلی سولوب صورتون ای نور بصر
باخوشون جانیمه اوت سالدی غمون سویله منه
سنی بو حالیده گوردیم اورگیم یاندی سنه
بله معلومیدی آی بختی گونی قاره خانیم؟
گردماتم آلنوب باشووه بیچاره خانیم؟
قلبوی تیر مصیبت ائلیوب یاره خانیم؟
توزا تپراقه باتوب ال چک او ابرولروه
بیر کسون یوخدی ویرا شانه او گیسولروه
دیدی ادیمدی رقیه من حسینون گلویم
گلشنه آل علیون سارالان سنبلویم
اکبرین خواهر خوش منظریم بلبلیم
قلبیمی جور و جفا قان ائلیوب دیده ترم
کربلاده آتا قارداشیم ئولوب خونجگرم
تا ائشیدی که حسینون قیزیدی دخت یزید
سوزدی ساخلا دیدی دختر خونخوار پلید
او حسینی که دیورسن اولوب اللرده شهید
ایستیوردی اولا رهبر باشی اللرده قالوب ؟
سویولوب پیکر صد پاره سی چوللرده قالوب؟
ویرمیوب بیعت آلین علت ا ودور قانه باتوب
ئوز سوزون ائلیوب اقرار چیخور یرده یاتوب
بله فکر ایلمه ئوز حقینه البته چاتوب
کیم باشی اندیرمسه گر آل ابوسفیانه
دهریده توشی اولاجاق محنت بی پایانه
اوزمرم من گینه با اینهمه همت الینی
ویرسن سنده اگر مهر و محبت الینی
چکمرم ال دوتارام منده رفاقت الینی
آپاروب قصره سنی حورو عزیز ایلیرم
مقدمون خوش دوتارام عالی کنیز ایلیرم
سن اگر شاه قیزیسان هانی جلال وحشمون
یاندوبدور دل هر رهگذری درد و غمون
گورمورم هیچ سنون اطرافیده اولسون خدمون
میم اطرافیمه باخ دقتیله گورسه گوزون
فرقیمیز چوخدی بوما بینیده اگهسن ئوزون
ناروا تهمتی بسکه خانیما گلدی گران
سوزی بی پرده دیوب روحینه گتدی هیجان
بسدی لال اول دیدی یوم آغزوی ای هرزه روان
ای کج اندیشه اویان آچ گوزوی حق طلب اول
یا رقییله دانیشما یا بیرآز با ادب اول
چوخ دوروب بوردامنه طعنه بیجا ویرما
قلبیمی نار غمه قان ایلیوب یاندیرما
منی وادار ایلمه صحبت چیخ گئد دورما
بونی عالمده بیلور هانسی پلیدین قیزیسان
عرشه ده چاتساباشون سانکی یزیدن قیزیسان
ویروب بیعت الینی ظلم الینه آل علی
چونکه حقدور عملینده اولارون یوخ خللی
واریری تهمت بیجا ویرانون سینسون الی
علوی مکتبی تدریس ائدر آزاده لره
ویرمیه بیعت الین تا طلقازاده لره
ایستموردیم دیم آشدون سوزی اولده ئوزون
گر بصیرت گوزون اولسا منه باخ یوما گوزون
فرقیمیز چوخدی بو ما بینیده حق دوراو سوزون
((آسمان شرفین شعشه زا اولدوزیام ))
سن یزیدن قیزسان منده حسینون قیزیام
من سپهر شرفین اختریم سن کیمسن
یوسف فاطمه نون دلبریم سن کیمسن
زینبین شامیده هم سنگریم سن کیمسن
ایستیورسن کیمی سن حور عزیز ایلیسن
آپاریب قصره اونی عالی کنیز ایلیسن
حشمت وجود و سخا و کرمیم چوخدی منیم
پنج تن بلبلویم آیری غمیم یوخدی منیم
قلبووه هر سوزومون تک تکی مین اوخدی منیم
سنه لایقدی کنیزلیق ئوزوی دوتما عزیز
گئد آنونان خبر آل گور کیمه اولموشدی کنیز
باخما قیرخ گوندی بو مخروبده زندانم من
قارداشیم اکبره خاطر اورگی قانم من
بله فکر ائلمه که قلبی پریشانم من
نیه لازمدی ویرام شانه بو گیسولریمه
هانسی قارداشی اولن ال چکر ابرولرینه
نورزاد اردبیلی
منی مشگین سویی یائدیردی حسین
بالاقیزلاردان اوتاندیردی حسین
گوزلریم یولدا قالوبدور گل آقا
یتوشوب جسمیده جانیم دوداقا
بیاحسبیم*بیا طبیبم
بیا که عطشان* اناالغریبم
گل آقا صیدووی صیاد آپاردی
باشیمی قویما که جلاد آپارور
کیمسه بیلمز عمووی قارداش حسین
گل آپار پرچمووی قارداش حسین
گل آی یاتوبدی**قانا باتوبدی
گئدوبدی قولار**علم یاتوبدی
دگدی پیکان گوزومون اوسته آقا
ولی دوردوم سوزومون اوسته آقا
جام امیدیمی سیندیردی عدو
مشگیم اوخلاندی جالاندی یره سو
گوزومده پیکان اورک الوب قان
سینمده یاره** گل آی حسین جان
باش یتیر السیز ای شمس خدا
پرچمون آزقالوب اللرده قالا
یولومی گوزلمه اخیامه گلم
حرم اهلیندن آقا من خجلم
دوتولدی عالم**قرایل اسدی
خیامه دشمن**یولومی کسدی
نورزاد اردبیلی
اسیر عشقووم علی وفالی قهرمان اوغـــــول
اسور ایاقلاریم بالا اورگ اولوبدی قان اوغــول
اوقدری صبر ایله, اوغول جمالـوه باخـیم بالا
یوزونده آی کیمی اولان او خالـووه باخـیم بالا
لباس رزمی گیموسن جلالـــووه بـاخیم بــــالا
هارا گئدورسن آی بالا گئدور سنیله جان اوغــــول
اورگده واردی بیر سوزوم قوی ایلیوم سنه بیان
الوی قوی بو سینمه تاپیم دوباره تازه جــــان
یادوندا واردی بیرگونی مدینه ده اولان زمان
دیردیم عزتیله من سنه فدا بو جان اوغـــول
بو چرخ روز گاریدن گیلیلیم گیلیلیـــم
اورگده آرزوم بودور ئوزوم سنه طوی ائلیم
آنووارحم ایله بالا باشی بلالی لیلیم
کفن ده هیچ یاراشمیور سنه دورای جوان اوغــول
ایاقون آلتدا معجری ویروب بابان علی منه
دخیلووم ایاقه دور باخیم دویانجا من سـنه
نجه دوزوم بو محنتو غم و ملالو محـسنه
فراقووه دوزمورم اورگ اولوبدی قان اوغـــول
ئولونجــه بوغمه بالا گلـــوب فغانــه آغــلارام
بویووی اوخشارام سنون دیوب جهانی داغلارام
گیوبسن آغ کفن علی باشیما قاره باغــــلارام
مگرفراموش ایلیم اجل گلن زمان اوغـــول
کیمی گوروبسن آی اوغول منی گوزوندن آتموسان
آنالیق عشقین آی علی نیه یوزوندن آتموسان
هدف ندی که لیلینون آین سوزوندن آتموسان
منی دانیشیلر آی بالا تاپوم دوباره جان اوغـــول
| مناجات امام حسین(ع)،شهادت حضرت علی اصغر(ع) | ||
|
الهی یاتدی اصغریم الیمده اخلانوب بالام باتو بدی قانه پیکریم الیمده اخلانوب بالام « اولوب پرپر اللریم اوسته گل سایاقی دولــوب لخته لخته قاینلن گل دوداقی غمی اکبردن باشی اولدی یوخدور توانیم منی سالدی دیلدن آخر اصغر فراقــی» ای سیـــــنان گوهــــریـــم لای لای ای اصغریم(ع)
نه نوعی دفن ائدوم خدا بوغنچه نی تراب من خجالتم نه سویلیوم حرمـده کی صحـــــاب من گئدمورم خیامه تا ویرم اونــــــی ربــــاب من
بوغازنیده یاره گورسه حتما قان آغلار اگر چکسه آه جان سوزی عرشی داغلار دیرقیزلار اصغره لای لای سینه سوزان آچار زینب دوشلوگون اوندان یاره باغلار «دوزرم هرغمه قویارام سیـــنمه» سنه فدادی ای خدا تمـــام یــاوریــــــم مــــنیم دیل آچمیان سوسوز بالام علی اصغریــم منیم آز اولسا چوخ حساب ایله بونازلی دلبریم منیم سنه قرباندی خدایا بو جسمو جانیم یاتان نهر اوسته اوزون قولی قهرمانیم سنه قرباندی حرمده یکسر اولانیم باتان قانه قتلگه پیرو جوانیم الهی حبیبیم الهی غریبم |
||
خوشا آن سر که سامانش حسین است
به شمع و مشعل و نـــــورش چه حاجـت
هر آنکس را که مـــهمانش حسین است
بنـــــــــــــازم آن قلــــندر عــــــارضی را...
سلوک و زهد و عرفانش حسیــــن است
به ســـــــــوره ســـــــــوره الله ســـــوگند
که آیه آیه قرآنش حســـــــــــــــین است
گنه کــــــــــــــــــــردیم اگر پنهان نمودیم
به محشر اذن جبرانش حســـــین است
دل ما گر اســـــــــیر خوشک سـالیست
هراسی نیست بارانش حســــین است
عــــــــــــــــلم های حسیـنی را ببوسید
که این پرچم نگهبانش حســـــین است
اگمدی ظالمه باش حیدرون حیدر بالاسی
دیدی "هیهات من الذله" پیمبر بـــــالاسی
من حسینم دیدی گر باشیمی مین یول کسلر
سایمارام کیمدی معاویه نون ابتر بالاسی
(نورزاد اردبیلی)
نیلورم قبر ائویمی زینت خاطر قازالار
دورینه لاله اکوب اوستونه آیه یازالار
یازالار بوردا یاتان فاطمه نون نوکریدی
گر قبول ایلسه محشرده گناهیم آزالار
******************************************************************************
ای گوزیم آغلا علینون داغیلان اجلالینه
آغلیور گویده ملکلر حیدرون احوالینه
عرش اعلاده یازیلدی تسلیت پیغمبره
ئولدی زهرا(س) راحت اولدی وای علینون حالینه
*****************************************************************************
چیخسا گون افلاکه طلعتده سنه چاتماز خانم
بحرجوشان استقامتده سنه چاتماز خانم
هاجر و مریم جلالتده سنه چاتماز خانم
سن خانم فاطمیه نائبه یوخ فاطمه سن
قویمادون ئولسین حسینی سنیده ئولمیه سن
عظیم نوزاد اردبیلی